རྫོང་སྐུ་འབུམ།

ཡོངས་ཁུངས།   བོད་ལྗོངས་དྲ་བ། རྩོམ་པོ།   བོད་ལྗོངས་འཕྲིན་དྲ། སྤེལ་དུས།   2014-11-12

དཔྱད་གཞིའི་པར་རིས།

རྫོང་སྐུ་འབུམ།    མཚན་གཞན་ལ་བྲག་ཕུག་ཁ་ཆེན་ཞེས་ཀྱང་ཞུ།  མངག་སྒྲ་དགོན་ནས་ཤར་ངོས་སུ་རྐང་ཐང་མར་ཆུ་ཚོད་གསུམ་ཙམ་སོང་ན་རྫོང་སྐུ་འབུམ་དུ་འབྱོར།  གནས་དེ་ནི་གུ་རུ་པད་མ་སམ་བྷས་གནས་སྒོ་ཕྱེས་གནང་བའི་གསང་བའི་ཕུག་པ་ཡིན་ཟེར། ཕུག་པ་དེ་དཔངས་མཐོ་བས་རྒྱལ་བ་བྱམས་པ་བཞེངས་པ་ལྟ་བུ་ཞིག་དང་།  ཡངས་ཤིང་རྒྱ་ཆེ་བས་གུ་རུ་མཚན་བརྒྱད་ཀྱི་མཛད་པ་འཕྲིན་ལས་རྒྱས་པ་ལྟ་བུ་ཞིག་ཡོད་གསུངས།  ཕུག་པ་སྟེང་དུ་གཉིས་དང་།  འོག་ཏུ་གཉིས་བཅས་ཁྱོན་བཞི་ཡོད་པ་ལས་འོག་གི་ཕུག་པ་ཆེ་བ་ལ་གནས་གཞུང་ཆེན་ཞེས་དེའི་ནང་གུ་རུ་རིན་པོ་ཆེའི་སྒྲུབ་ཕུག་དང་། རྒྱལ་བ་བྱམས་པ།  གུ་རུ་མཚན་བརྒྱད་བཅས་པའི་གོས་སྐུའི་རང་བྱོན་དང་།  དེའི་གཡས་ཀྱི་མཚོའི་སྒྲུབ་ཕུག་ཅེས་པའི་ནང་དཔལ་ལྡན་ལྷ་མོའི་བླ་མཚོ་དང་རྣམ་སྲས་ཀྱི་བླ་མཚོ་སོགས་ཡོད།   སྟེང་གི་སྒྲུབ་ཕུག་བདེ་ཆེན་གསང་ཕུག་ཅེས་པར་གུ་རུས་ལོ་གསུམ་ཕྱོགས་གསུམ་གསང་སྒྲུབ་གནང་བ་དང་།  ཞི་བ་བཀའ་བཅུའི་སྦྱིན་སྲེག་གནང་སྐབས་ཤ་སྣ་མ་གཅིག་བརྒྱ་དང་བརྒྱད་ཡོད་པས་དེ་ཁུལ་ནས་རུས་པ་བརྙེས་ན་བསྲུང་བ་ཐོབ་ཅེས་གསུངས།     རྫོང་པད་མ་རྩེ་སྒྲུབ་ཕུག་ནི་གུ་རུས་ཕྱག་མདའ་གནང་ནས་ཁུང་ཕུག  མཁའ་འགྲོ་ཡེ་ཤེས་མཚོ་རྒྱལ་གྱིས་འཕྱི་བར་སྤྲུལ་ནས་གནས་སྒོ་ཕྱེས་ཞེས་ཟེར།  དེའི་ནང་གུ་རུས་རྟ་ཕྱག་ཁྱུང་གསུམ་སྒྲུབ་གནང་སྐབས་ཀྱི་རང་བྱོན་ཡོད་པས་དེ་འོག་འཛུལ་ན་དབང་ཐོབ་ཟེར།  གཞན་ཡང་དམྱལ་བའི་ཟམ་པ་ཞེས་འགྲོ་སྐྱོད་དཀའ་བ་དང་།  རང་བྱུང་མཆོད་རྟེན།  མཐོང་སྒྲོལ་མཆོད་རྟེན།  བྱ་རུང་ཁ་ཤོར།  ཤེལ་གྱི་ཀ་བ་ཞེས་སོགས་ཡོད་པས་དེར་སྨོན་ལམ་བཏབ་ཚད་འགྲུབ་ཅེས་གསུངས།  དེའི་བྱང་ངོས་སུ་བདེ་ཆེན་གསང་བའི་ཕུག་ལ་ཡེ་ཤེས་མཚོ་རྒྱལ་ལོ་གསུམ་ཕྱོགས་གསུམ་སྐུམཚམས་བཞུགས་ས་ཡིན།     གསུངས།སྟེང་གི་འཕྱི་ཕིག་བྲག་ཕུག་ལ་རྟ་མགྲིན་གྱི་དབང་ཞུ་ས་དང་ཞི་ཁྲོའི་ལྷ་ཚོགས་ཀྱི་རང་བྱོན་སོགས་ཡོད།  གུ་རུ་རིན་པོ་ཆེ་རྫོང་སྐུ་འབུམ་དུ་སྒྲུབ་པ་བཀྱོན་སྐབས་ཙ་རིའི་གནས་བདག་ཞིང་སྐྱོང་ཆེན་པོ་ཉེར་བརྒྱད་ཞལ་གཟིགས་པས་།  གནས་འདི་ཐེངས་གསུམ་མཇལ་ན་ཙ་རི་བསྐོར་བ་དང་ཁྱད་མེད་ཅེས་ཀྱང་གསུངས།

༼ རྩོམ་སྒྲིག་རྣམ་སྲས།༽
ལོགས་སུ་ཉར་བ།