བོད་ལྗོངས་སུ་ཡོད་པའི་ཕོ་བྲང་པོ་ཏ་ལ་ཁག་གསུམ།

ཡོངས་ཁུངས།   ཀྲུང་གོའི་བོད་ཀྱི་དྲ་བ། རྩོམ་པོ།   བོད་ལྗོངས་འཕྲིན་དྲ། སྤེལ་དུས།   2015-12-07

ཕོ་བྲང་པོ་ཏ་ལ།

ཕོ་བྲང་པོ་ཏ་ལ་ནི་སྤྱི་ལོའི་དུས་རབས པར་བཞེངས་པ་དང་ད་ལྟའི་བར་དུ་ལོ་ངོ་ ༡༣༠༠ ལྷག་ཙམ་གྱི་ལོ་རྒྱུས་ལྡན་ཡོད།  འཛུགས་སྐྲུན་གྱི་སྤྱིའི་རྒྱ་ཁྱོན་ལ་སྨིད་གྲུ་བཞི་མ་ཁྲི ༣༦ ལྷག་ཙམ་ཡོད་པ་དང་།  ཤར་ནུབ་ཀྱི་རིང་ཚད་ལ་སྨིད ༣༦༠ ཡོད་ལ་ལྷོ་བྱང་གི་ཞེང་ཚད་ལ་སྨིད ༡༧༠ ཡོད།  འཛུགས་སྐྲུན་དེ་ནི་འཛམ་གླིང་ཐོག་རྒྱ་མཚོའི་ངོས་ལས་ས་བབ་མཐོ་ཤོས་ཡིན་པའི་ཕོ་བྲང་དང་མཁར་རྫོང་།  དགོན་པ་བཅས་ངོ་བོ་གཅིག་ཏུ་འདྲེས་ཡོད་ལ་བརྗིད་ཆགས་ཉམས་དགའི་འཛུགས་སྐྲུན་ཞིག་ཡིན།  ཕོ་བྲང་པོ་ཏ་ལ་དེ་ཉིད་སྤྱི་ལོ ༡༩༩༤ ལོར་མཉམ་འབྲེལ་རྒྱལ་ཚོགས་ཀྱི་སློབ་གསོ་དང་ཚན་རྩལ་རིག་གནས་སྒྲིག་འཛུགས་ཀྱིསའཛམ་གླིང་རིག་གནས་ཤུལ་བཞགནང་ཐོ་འགོད་བྱས་པ་དང་།  རྒྱལ་ཁབ་ཀྱིས་མ་དངུལ་འབོར་ཆེན་བཏང་ནས་གཞི་ཁྱོན་ཆེ་བའི་ཉམས་གསོ་ཐེངས་གཉིས་པ་བྱས་པ་རེད།     

གཞིས་རྩེ་གྲོང་ཁྱེར་བསམ་གྲུབ་རྩེ་མཁར་རྫོང་།

བསམ་གྲུབ་རྩེ་མཁར་རྫོང་ལ་ལོ་ངོ་ ༦༠༠ ལྷག་ཙམ་གྱི་ལོ་རྒྱུས་ཡོད་པ་དང་གཞིས་རྩེ་ས་ཁུལ་གྱི་འཛུགས་སྐྲུན་ཆེས་སྔ་ཤོས་ཀྱི་གྲས་ཤིག་ཡིན།  སྤྱི་ལོ ༡༣༦༣ ལོར་འཛུགས་སྐྲུན་བྱས་རྗེས་དུས་རབས་ཀྱི་རླབས་རྒྱུན་དྲག་པོ་དང་མིས་བཟོས་གཏོར་སྐྱོན་འོག་དུས་རབས་གཅིག་རིང་ཁང་གོག་གྱང་ཧྲུལ་ལས་ལྷག་མེད།  སྤྱི་ལོ ༢༠༠༤ ལོའི་ལོ་མཇུག་ནས་བཟུང་།  བསམ་གྲུབ་རྩེ་མཁར་རྫོང་བསྐྱར་སྐྲུན་བྱས་པ་དང་བསྐྱར་སྐྲུན་བྱས་རྗེས་ཀྱི་བསམ་གྲུབ་རྩེ་མཁར་རྫོང་སྟེཔོ་ཏ་ལ་ཆུང་བདེ་ཉིད་གཙང་ཁུལ་རིག་གནས་ཀྱི་འགྲེམ་སྟོན་ལྟེ་གནས་སུ་གྱུར་ཡོད།   

ནག་ཆུ་ས་ཁུལ་སོག་རྫོང་བཙན་སྡེ་དགོན།

བོད་ལྗོངས་ནག་ཆུ་ས་ཁུལ་སོག་རྫོང་གིཕོ་བྲང་པོ་ཏལ་སྟེ་བཙན་སྡེ་དགོན་དེ་སོག་རྫོང་གི་ལྷོ་ངོས་ཀྱི་རི་བོ་ཆུང་ཆུང་ཞིག་གི་སྟེང་གནས་ཡོད་པའི་བོད་བརྒྱུད་ནང་བསྟན་དགེ་ལུགས་པའི་དགོན་པ་གྲགས་ཅན་ཞིག་ཡིན་པ་དང་།  བཙན་སྡེ་དགོན་དེ་སྤྱི་ལོ ༡༦༦༢ ལོར་བཞེངས་པ་དང་སྤྱི་ལོ ༡༩༨༥ ལོར་རྒྱལ་ཁབ་ཀྱིས་མ་དངུལ་བཏང་ནས་བསྐྱར་སྐྲུན་བྱས་པ་རེད།  དགོན་པ་དེ་རི་བོའི་སྟེང་དུ་ཆགས་ཡོད་པ་དང་།  ཕོ་བྲང་དཀར་པོ་དང་དམར་པོ་གཉིས་ལས་གྲུབ་པས་འཛུགས་སྐྲུན་ཀྱི་རྣམ་པའི་ཐད་ལྷ་སའི་ཕོ་བྲང་པོ་ཏ་ལ་དང་ཧ་ཅང་འདྲ་པོ་ཡོད།   

༼ རྩོམ་སྒྲིག་ནོར་བུ།༽
ལོགས་སུ་ཉར་བ།