གྲོ་སོ་ཕྱེ་མར།

ཡོང་ཁུངས།   བོད་ལྗོངས་འཕྲིན་དྲ།       རྩོམ་པོ།   བོད་ལྗོངས་འཕྲིན་དྲ།      སྤེལ་དུས།   2019-01-28

您没有安装FlashPlayer或版本太低, 请点击获得最新版本FlashPlayer

 
 
 
 
00:00

གྲོ་སོ་ཕྱེ་མར་ནི། བོད་དུ་ལོ་གསར་སོགས་དུས་སྟོན་གྱི་རྟེན་འབྲེལ་བྱེད་སྒོའི་སྐབས་སུ་སྒྲིག་གཤོམ་བྱས་པའི་གྲོ་དང་ཕྱེ་མར་འབོ་གཞོང་དུ་བླུགས་ནས་དེའི་ཐོག་ཏུ་གྲོ་སྙེ་དང་མེ་ཏོག་སོགས་བཙུགས་ཏེ།  མགྲོན་པོ་ཕེབས་དུས་དེར་ཕུལ་ནས་དགའ་བསུ་སྣེ་ལེན་ཞུ་བྱེད་ཅིག་ཡིན།  སངས་རྒྱས་ཆོས་ལུགས་བོད་ལ་མ་དར་བའི་ཡར་སྔོན་ཞིག་ནས།  བོན་གྱི་ལྷ་གསོལ་གཡང་འགུགས་ལ་སོགས་པའི་ཆོས་ལུགས་བྱེད་སྒོ་དང་འབྲེལ་བའི་ཡུལ་སྲོལ་ཞིག་ཡིན་ཚུལ་གསུངས་པར་གཞིགས་ན།  སྲོལ་འདི་བོད་ཁམས་ཡོངས་ལ་དར་བའི་ལོ་རྒྱུས་ཧ་ཅང་རིང་བ་ཤེས་ཐུབ། ཕྱིས་སུ་བན་བོན་གཉིས་གའི་ཆོས་ལུགས་ཀྱི་ཤུགས་རྐྱེན་དང་བོད་རང་གི་དགའ་མོས་ཀྱི་དབང་གིས། འདིར་ནང་དོན་དང་རྣམ་པའི་ཐད་ནས་བསྟུད་མར་འཕོ་འགྱུར་བྱུང་དང་འབྱུང་བཞིན་ཡོད་དོ།

འདི་ལ་ཧ་ལམ་འཕེལ་རིམ་བཞི་རུ་བགོས་ཆོག་སྟེ།  འཕེལ་རིམ་དང་པོར།  ཁྱབ་རྒྱ་ཆེ་ཡང་གཟབ་རྒྱས་མིན་པའི་སྒོ་ནས་གྲོ་ནས་ཀྱི་སྙེ་མ་ཆུན་པོར་བསྡམས་ཏེ་སྟབས་བདེའི་ཆོ་ག་ཞིག་སྤེལ་བར་བྱེད།  འཕེལ་རིམ་གཉིས་པར།  འབོ་གཞོང་གཉིས་སུ་སོ་སོར་གྲོ་དང་རྩམ་པ་གང་རེ་བླུགས་རྗེས། གྲོ་གཞོང་གི་ཁར་ཚྭ་རྡོག་སྦར་མོ་གང་གཏོར་བར་བྱེད་ཅིང་།  རྩམ་གཞོང་གི་ཁར་མར་ལེབ་སོགས་ཀྱི་རྒྱན་རིས་བཀོད་ནས་རྟེན་འབྲེལ་ཞུ་བར་བྱེད།  འཕེལ་རིམ་གསུམ་པར།  འབོ་གཞོང་གཉིས་གཅིག་ཏུ་སྦྲེལ་ཏེ་ངོས་བཞི་ལ་བཀྲ་ཤིས་རྫས་བརྒྱད་དང་།  བཀྲ་ཤིས་རྟགས་བརྒྱད།  ནོར་བུ་ཆ་བདུན།  ནོར་བུ་མེ་འབར།  ནོར་བུ་དགའ་འཁྱིལ།  གཡུང་དྲུང་སོགས་བྲིས་ནས་མཛེས་པར་བྱས་རྗེས།  གཡས་གཞོང་ལ་གྲོ་དང་གཡོན་གཞོང་ལ་རྩམ་པ་སོ་སོར་བྱུར་ཁེངས་རེ་བླུགས་པའི་སྟེང་དུ། མཐུན་པ་སྤུན་བཞི་དང་མི་མཐུན་ཕྱོགས་རྒྱལ།  ཚེ་རིང་རྣམ་དྲུག   བཀྲ་ཤིས་འབུམ་གཟུགས།  དེ་བཞིན་དུ་མེ་ཏོག་དང་ཉི་ཟླ་མེ་རི་སོགས་མར་ཚོན་གྱིས་བརྒྱན་པའི་ཤིང་བྱང་དུ་མ་དང་གྲོ་སྙེ་བཙུགས་རྗེས། དེའི་མཐའ་སྐོར་དུ་ད་དུང་ཚོན་རིས་སྣ་ཚོགས་ཀྱིས་མཛེས་པར་བཞེངས་པའི་གཟུགས་བརྙན་འདྲ་མིན་གྱིས་ཀྱང་བརྒྱན་པ་བཅས་ལ་བརྟེན་ནས་རྟེན་འབྲེལ་ཞུ་བར་བྱེད།  འཕེལ་རིམ་བཞི་བར།  སྤྱོད་སྟབས་བདེ་བའི་འབོ་གཞོང་དུ་གྲོ་དང་ཕྱེ་མར་བླུགས་པའི་ཁར།  ཤིས་མཚོན་རི་མོ་བྲིས་པའི་ཤིང་བྱང་བཙུགས་ཐོག  མར་ལེབ་ཀྱི་ཚོན་ལྡན་རྒྱན་རིས་གང་འཚམས་ཀྱིས་ཟུར་བརྒྱན་ཏེ་རྟེན་འབྲེལ་ཞུ་བར་བྱེད་པ་བཅས་སོ།

གཞན་ཡང་གྲོ་སོ་ཕྱེ་མར་གྱི་མཚོན་དོན་ནི་འདི་ལྟ་སྟེ།  གྲོ་སོ་དང་རྩམ་པ།  གྲོ་བཅས་ཀྱིས་ཞིང་ལས་མཚོན་པར་བྱེད་པ་དང་།  ཚོན་མདངས་འདྲ་མིན་གྱིས་མཛེས་པར་བརྒྱན་པའི་མར་རྒྱན་སྣ་ཚོགས་ཀྱིས་ཕྱུགས་ལས་མཚོན་པར་བྱེད་པ་ཡིན། འདིའི་རྩ་བ་དེ་འདྲ་ཞིག་ལ་ཐུག་ཡོད་པའི་རྒྱུ་མཚན་གྱིས། བོད་འདིར་སྔ་རབས་པའི་དུས་ནས་ད་ལྟའི་བར་དུ། བོད་རིགས་མི་དམངས་ཀྱིས་འབྲུ་ཟན་སྣ་ལྔ་དང་།  དཀར་གསུམ་སོགས་རང་གི་ཞིང་ཕྱུགས་ཐོན་རྫས་སམ།  མངར་གསུམ་སོགས་ཟས་རིགས་སྤྱིའི་ཕུད་མགོ་བླངས་ནས།  དཀར་ཕྱོགས་ཀྱི་ལྷ་ཀླུ་མི་གསུམ་སྤྱི་དང་མགྲོན་པོ་དག་ལ་མཆོད་ཅིང་བཀུར་བར་བྱེད་དོ།  འདིའི་ཐོག་ནས་བོད་རིགས་མི་དམངས་ནི་རང་གི་ངལ་རྩོལ་འབྲས་བུ་ལ་གཅེས་སྤྲས་བྱེད་མཁན་ཞིག་ཡིན་པའི་ཐོག་མགྲོན་ལ་བརྩི་མཐོང་ཆེ་བ་ཞིག་ཀྱང་ཡིན་པའི་མི་རིགས་ཀྱི་གཤིས་རྒྱུད་བཟང་པོ་དེ་མཚོན་གྱི་ཡོད་དོ།།

  ༼  མིག་ཚེས་སྒྲིག ༽
མཉམ་སྤྱོད།  
བོད་ཡིག་དྲ་བ།-གསར་འགྱུར།-ལོ་གསར་གྱི་ཤེས་བྱ།
མ་ངོས།>>ཆེད་དོན།>>2019>>ས་ཕག་ལོའི་ལོ་གསར།>>ལོ་གསར་གྱི་ཤེས་བྱ།
དུ་ཕྱག
ལོ་ལྟར་བོད་ཟླ་བཅུ་གཉིས་པའི་ཚེས་བཅོ་ལྔ་ཡོལ་རྗེས་ལྷ་ས་གཙོ་བོར་གྱུར་པའི་བོད་ཀྱི་དབུས་ཕྱོགས་སུ་ལོ་གསར་གྱི་དུ་ཕྱག་ཅེས་དུ་ཚེས་ཀྱི་སྟབས་དང་བསྟུན་ནས་གཙང་སྦྲ་གད་བདར་གྲ...
དགུ་ཐུག
ལོ་རྙིང་པའི་ཟླ་བ་མཐའ་མའི་ཚེས ༢༩ ཡི་དགོང་མོར་དགུ་ཐུག་ཅེས་པའི་བག་ཚ་རྗས་དགུ་ཚང་ཞིག་སྐོལ་བ་སྟེ་རྫས་དགུ་ཚང་བ་ཞིག་སྐོལ་བ་སྟེ་རྫས་དགུ་ནི་ཤ་དང་ཕྱུར་བ། ལ་ཕུག གྲོ་མ། སྔོ...
གླུད་རྫོངས།
གླུད་རྫོངས་བྱེད་རྒྱུ་ནི་ཚེས ༢༩ ཉིན་གྱི་དགོང་མོར་ལོ་གཅིག་གི་གེགས་དང་བར་ཆད་སེལ་ཆེད་དུ་གླུད་དབྱུགས་པའི་ཡུལ་སྲོལ་གོམ་གཤིས་ཁྱབ་ཆེ་བ་ཞིག་ཡོད་པ་དེ་ཡིན། དེ་ཡང་དགུ་ཐུག་...
གནམ་གང་།
གནམ་གང་གི་ཉིན་མོ་འདི་ནི་བྲེལ་བ་ཤིན་ཏུ་ཆེ་བའི་ཉིན་མོ་ཞིག་ཡིན། ཁྱིམ་ཚང་གི་ཨ་མས་གཙོས་བུད་མེད་རྣམས་ཀྱིས་ལོ་གསར་གྱི་ཤ་ཆང་སོགས་ཟས་རིགས་གྲ་སྒྲིག་དང་གྲོ་བཟོ་ཕྱེ་མར་སྒ...
དབུ་བསིལ་སྐྲ་ཁྲུས།
སྤྱིར་ན་གནམ་གང་ལྷ་མོའི་དབུ་བསིལ་ཞེས་ལོ་རྙིང་པའི་མགོ་འཁྲུ་བའི་མཐའ་མ་དེ་ཡིན་པས་མི་རྣམས་ངེས་པར་དུ་མགོ་འཁྲུ་དགོས་པ་ཡིན་ཀྱང་ཉིན་མོ་ལས་བྲེལ་གྱིས་མགོ་འཁྲུ་ལོང་མ་བྱུང...
གྲོ་སོ་ཕྱེ་མར།
གྲོ་སོ་ཕྱེ་མར་ནི། བོད་དུ་ལོ་གསར་སོགས་དུས་སྟོན་གྱི་རྟེན་འབྲེལ་བྱེད་སྒོའི་སྐབས་སུ་སྒྲིག་གཤོམ་བྱས་པའི་གྲོ་དང་ཕྱེ་མར་འབོ་གཞོང་དུ་བླུགས་ནས་དེའི་ཐོག་ཏུ་གྲོ་སྙེ་དང་མེ...
ལོ་ཕུད་དང་ལུག་མགོ་བསྒྲིགས་སྲོལ།
བོད་མིར་ལོ་གསར་གྱི་སྐབས་སུ་ལོ་ཕུད་དང་ལུག་མགོ་བསྒྲིགས་པའི་སྲོལ་ཞིག་ཡོད། ཡུལ་སྲོལ་གོམས་གཤིས་ནི་འཚོ་བ་དངོས་ཀྱི་ནང་ནས་བྱུང་བ་ཞིག་ཡིན་པ་སྨོས་ཅི་དགོས། སྐབས་དེའི་བོད...
ལོ་གསར་ཚེས་གཅིག་ཉིན་གྱི་འཛེམས་ཆ།
ལོ་གསར་ཚེས་གཅིག་གི་ཉིན་ཁ་རྩོད་དང་། ངུ་བ། བཀྲ་མི་ཤིས་པའི་ཚིག་ཁ་ནས་ཐོན་པ་སོགས་བྱུང་ན་རྣམ་རྟོག་ཆེན་པོ་བརྩིས་སྲོལ་ཡོད་པས་ཞོགས་པ་ཡར་ལངས་ནས་མི་ཐུག་ཚད་ལ་སྐད་ཆའི་ཚིག་ད...
བརྙན་མཐོང་གསར་འགྱུར།
རླུང་འཕྲིན་གསར་འགྱུར།

ངོ་མཚར་གླེང་མོལ།

པར་ལེན་།

西藏第一座寺庙——桑耶寺

བགྲོ་གླེང་།:ཆོས་ལུགས།

[བགྲོ་གླེང་།]