ཕོ་བྲང་པོ་ཏ་ལའི་ལྕོག་བཞི།

ཡོངས་ཁུངས།   བོད་མིའི་ཡུལ་སྲོལ་གོམས་གཤིས། རྩོམ་པོ།  ས་གོང་དབང་འདུས། སྤེལ་དུས།  2016-05-10


ཤར་ཆེན་ལྕོག

དེ་ཡང་རྒྱལ་པོ་ལྕོག་དང་ཤར་ཆེན་ལྕོག  གཡུལ་རྒྱལ་ལྕོག  བརྟན་མ་ལྕོག་བཞི་སྟེ།  རྩེའི་ནུབ་ངོས་སུ་བཞུགས་པའི་རྒྱལ་པོ་ལྕོག་ནི་གཟུགས་དབྱིབས་ཕྱེད་སྒོར་མོ་ཡིན་པ་ལས།  གནམ་གྱི་ཟླ་བ་མཚོན་པར་བྱེད་ལ།  རྩེའི་ཤར་ངོས་སུ་བཞུགས་པའི་ཤར་ཆེན་ལྕོག་ནི་གཟུགས་དབྱིབས་སྒོར་མོ་ཡིན་པ་ལས།  དགུང་གི་ཉི་མ་མཚོན་པར་བྱེད་ཅིང་།  ཉིན་ཟླ་གཉིས་མཐོན་པོའི་དཔེ་རུ་བླངས་ནས་བླ་དཔོན་ཉི་ཟླ་ཟུང་འབྲེལ་ཞེས་བོད་ཀྱི་སྔ་མོའི་ཆོས་སྲིད་ཟུང་འབྲེལ་གྱི་ལམ་ལུགས་མཚོན་པར་བྱས་ཡོད།  རྩེའི་ཤར་ཟུར་དུ་མཆིས་པའི་གཡུལ་རྒྱལ་ལྕོག་ནི་གུ་ཤྲྀ་བསྟན་འཛིན་ཆོས་རྒྱལ་གྱིས་བོད་ལ་སོག་དམག་མངགས་ནས་གཙང་པ་ཀརྨ་བསྟན་སྐྱོང་དབང་པོ་ཕམ་ལ་སྦྱར་བའི་རྗེས་དྲན་གྱི་རྟེན་ལ་ལྕོག་དེ་བཞེངས་པས་ན།  མིང་ལའང་གཡུལ་རྒྱལ་ལྕོག་ཅེས་ཐོགས་པར་གྲགས།  ལྕོག་དེའི་ནང་མི་སྡོད་པ་ལས་ལྷ་དང་སྐུ་སོགས་གང་ཡང་མེད།  བརྟན་མ་ལྕོག་ཅེས་པ་ནི་བརྟན་མ་བཅུ་གཉིས་བཞུགས་སའི་གནས་སའམ་གསས་ཁང་ལྟ་བུ་ཞིག་ཡིན།  དེའི་ནང་གི་རྟེན་གཙོ་བོ་ནི་བརྟན་མ་བཀྲ་ཤིས་ཚེ་རིང་ཞེས་པའི་སྐུ་བརྙན་དེ་རེད།  བརྟན་མ་བཅུ་གཉིས་ཞེས་པ་ནི་སློབ་དཔོན་རིན་པོ་ཆེས་དམ་ལ་བཏགས་པའི་བོད་ཁམས་སྐྱོང་བའི་སྲུང་མའི་གྲས་ཤིག་ཡིན་པ་དང་དེ་རྣམས་ལ་དམིགས་བསལ་དུ་རྩེར་ལྕོག་བཞེངས་ནས་སྲུང་ཁང་མཛད་པ་རེད།  དེར་མགོན་པོ་ཞིག་བཞུགས་ཡོད་པ་མ་ཟད་སེར་སྐྱ་མང་ཚོགས་རྣམས་ནས་དེར་རྟག་ཏུ་སེར་སྐྱེམ་ཡང་འབུལ་སྲོལ་ཡོད།།


རྒྱལ་པོ་ལྕོག

༼རྩོམ་སྒྲིག་ནོར་བུ།༽
ལོགས་སུ་ཉར་བ།  

དེ་མོ་ཡབ...

ཡེ་ཤེས་བ...