སྒོ་ཁར་ཨ་ཙ་ར་གླང་ཁྲིད་དང་སོག་པོ་སྟག་ཁྲིད་ཀྱི་རི་མོ་འབྲི་བའི་གོམ་སྲོལ།

ཡོངས་ཁུངས།   བོད་མིའི་ཡུལ་སྲོལ་གོམས་གཤིས། རྩོམ་པོ།  བོད་ལྗོངས་འཕྲིན་དྲ། སྤེལ་དུས།  2016-01-19

བོད་ཀྱི་དགོན་སྡེ་དང་ལྷ་ཁང་སོགས་ཀྱི་སྒོའི་ནང་ལྡེབས་སུ་ཨ་ཙ་ར་གླང་ཁྲིད་དང་སོག་པོ་སྟག་ཁྲིད་གཉིས་འབྲི་སྲོལ་ཡོད།  དེ་གཉིས་ཀྱི་མཚོན་དོན་ནི།

ཨ་ཙ་ར་གླང་ཁྲིད།

ཨ་ཙ་ར་གླང་ཁྲིད་ཀྱི་ཨ་ཙ་ར་ནི་དཔལ་མགོན་བྲམ་གཟུགས་དང་།  གླང་ཆེན་ནི་ཚོགས་བདག་གླང་སྣའི་མཚོན་བྱེད་ཡིན།  གླང་པོས་ནོར་གཞོང་ངམ་ནོར་བུ་མེ་འབར་བ་བཏེགས་པ་བཅས་སྒོའི་ནང་ལྡེབས་སུ་ཁ་ནང་ལ་ཕྱོགས་ཏེ་བྲིས་པས་ལོངས་སྤྱོད་ཕུན་སུམ་ཚོགས་པ་འབྱུང་བའི་རྟེན་འབྲེལ་མཚོན་པ་དང་།  མཆོག་དང་ཐུན་མོང་གི་འདོད་པའི་དངོས་གྲུབ་ཐམས་ཅད་རྩོལ་མེད་དུ་འབྱུང་བའི་རྟེན་འབྲེལ་སྒོ་ཀུན་ནས་མཚོན་པ་ཡིན་པར་བཤད་ཀྱང་བཤད་སྟངས་འདི་དག་མིན་དཔྱད་བྱའི་གནས་སོ།

སོག་པོ་སྟག་ཁྲིད།

འདི་ལ་ཁུངས་བློ་གཏད་རུང་བ་ཞིག་མཐོང་ཐོས་སུ་མ་གྱུར་ཀྱང་།  རྒན་རབས་ཀྱི་ངག་རྒྱུན་ཆོས་ཕྱོགས་ཀྱི་བཤད་སྲོལ་ཞིག་ལ།  སོག་པོ་སྟག་ཁྲིད་ནི་རིགས་གསུམ་མགོན་པོའི་མཚོན་བྱེད་དུ་སྨྲ་བ་སྟེ།  སོག་པོས་སྤྱན་རས་གཟིགས་དང་།  སྟག་གིས་འཇམ་དབྱངས།  ལྕགས་ཐག་གིས་ཕྱག་རྡོར་མཚོན་པས།  རི་མོ་འདི་སྒོ་སྐྱོར་རྩིག་ལྡེབས་སུ་བཞེངས་ནས་ཁ་ཕྱི་ཕྱོགས་སུ་གཏད་ན།  གདོན་བགེགས་བར་ཆད་དང་བཀྲ་མི་ཤིས་པའི་ཕྱོགས་ཐམས་ཅད་ཕྱིར་བཟློག་ཅིང་ནང་དུ་བཀྲ་ཤིས་བདེ་ལེགས་འབྱུང་བ་མཚོན་པ་ཡིན་པར་བཤད་ཀྱང་བཤད་སྟངས་འདི་དག་མིན་དཔྱད་བྱའི་གནས་སོ།།

༼རྩོམ་སྒྲིག་གསལ་དགའ།༽
ལོགས་སུ་ཉར་བ།  

དེ་མོ་ཡབ...

ཡེ་ཤེས་བ...