ལོ་གསར་རིང་རང་ལྗོངས་ཀྱི་ས་ཆ་མང་ཆེ་བར་གངས་དང་ཆར་པ་བབས་ནས་དྲོད་ཚད་དམའ་རུ་འགྲོ་རྒྱུ།

ཡོང་ཁུངས།   བོད་ལྗོངས་རླུང་འཕྲིན་བརྙན་འཕྲིན།       རྩོམ་པོ།   བོད་ལྗོངས་འཕྲིན་དྲ།      སྤེལ་དུས།   2020-02-23

您没有安装FlashPlayer或版本太低, 请点击获得最新版本FlashPlayer

 
 
 
 
00:00

རང་སྐྱོང་ལྗོངས་གནམ་གཤིས་ལས་ཁུངས་ནས་སྤྱི་ཚེས ༢༢ ཉིན་སྔོན་བརྡ་བཏང་བར་གཞིགས་ན།  སྤྱི་ལོ ༢༠༢༠ ལོའི་བོད་ཀྱི་ལོ་གསར་རིང་རང་ལྗོངས་ཀྱི་ས་ཆ་མང་ཆེ་བར་ཆར་པ་དང་ཡང་ན་གངས་བབས་ནས་དྲོད་ཚད་དམའ་རུ་འགྲོ་བཟོ་ཡོད།  ཞིབ་ཕྲའི་གནམ་གཤིས་སྔོན་བརྡ་གཤམ་གསལ་ལྟར།  སྤྱི་ཚེས ༢༣ ནས ༢༤ ཉིན་བར་ཉིང་ཁྲི་དང་ནག་ཆུར་གངས་ཆུང་བ་འབབ་རྒྱུ་དང་ས་བབ་མཐོ་བའི་ཁུལ་དུ་གངས་འབྲིང་བ་ནས་ཆེ་བའི་བར་འབབ་རྒྱུ།  ཆབ་མདོའི་བྱང་རྒྱུད་དང་ལྷོ་ཁའི་ལྷོ་རྒྱུད་དུ་སྤྲིན་པ་མང་པོ་འཁོར་ནས་གངས་ཆུང་བ་འབབ་རྒྱུ།  དེ་མིན་ས་ཁུལ་ལ་གནམ་དྭངས་ནས་རིམ་བཞིན་སྤྲིན་པ་མང་པོ་འཁོར་རྒྱུ་དང་།  སྤྱི་ཚེས ༢༥ ནས ༢༧ ཉིན་བར།  ནག་ཆུ་དང་ཆབ་མདོ།  ཉིང་ཁྲི་བཅས་དང་ལྷོ་ཁའི་ལྷོ་རྒྱུད་དང་གཞིས་རྩེའི་ལྷོ་རྒྱུད་བཅས་སུ་གངས་ཆུང་བ་ནས་འབྲིང་བའི་བར་འབབ་རྒྱུ་དང་ས་བབ་མཐོ་བའི་ཁུལ་དུ་གངས་ཆེན་པོ་འབབ་རྒྱུ།  ཡར་ཀླུང་གཙང་པོའི་རོང་སའི་ཁུལ་དུ་གངས་ཆུང་ཆུང་འབབ་རྒྱུ་དང་ས་ཆ་ཁག་ཅིག་ལ་གངས་འབྲིང་བ་འབབ་རྒྱུ།  མངའ་རིས་སུ་སྤྲིན་པ་མང་པོ་འཁོར་ནས་ཐོལ་གངས་འབབ་རྒྱུ།  ནུབ་ནས་ཤར་བར་དྲོད་ཚད་ཨང་གྲངས ༤ ནས ༨ བར་དམའ་རུ་འགྲོ་རྒྱུ།  སྤྱི་ཚེས ༢༨ ནས ༢༩ ཉིན་བར་མངའ་རིས་ཀྱི་ཤར་ལྷོའི་རྒྱུད་དང་ནག་ཆུའི་དབུས་ནུབ་རྒྱུད།  ཉིང་ཁྲི་བཅས་ལ་སྤྲིན་པ་མང་པོ་འཁོར་རྒྱུ་དང་ས་ཆ་ཁག་ཅིག་ལ་ཐོལ་གངས་འབབ་རྒྱུ།  དེ་མིན་ས་ཆར་གནམ་དྭངས་ནས་རིམ་བཞིན་སྤྲིན་པ་མང་པོ་འཁོར་རྒྱུ་བཅས་རེད།

གནམ་གཤིས་རིགས་གཅིག་མཁས་ཅན་གྱིས།  དེང་སྐབས་ནག་ཆུའི་ཤར་རྒྱུད་དང་ཉིང་ཁྲི་།  ཆབ་མདོ་བཅས་ཀྱི་ས་བབ་མཐོ་བའི་ཁུལ་དུ་གངས་གསོག་ཅུང་ཐེབས་མང་བས་འགྲིམ་འགྲུལ་དང་འབྲོག་ལས་ཀྱི་སྔོན་འགོག་ལས་དོན་ཡག་པོ་སྒྲུབ་དགོས་པ་དང་།  ལོ་གསར་རིང་རང་ལྗོངས་ཀྱི་ས་ཆ་མང་ཆེ་བར་ཆར་པ་དང་ཡང་ན་གངས་བབས་ནས་དྲོད་ཚད་དམའ་རུ་འགྲོ་རྒྱུ་ཡིན་པས་ཚང་མས་དྲོ་སྤྱོད་བྱེད་དགོས་པའི་་དྲན་སྐུལ་ཞུས་ཡོད།།

  ༼  རྩོམ་སྒྲིག་གསལ་དགའ། ༽
མཉམ་སྤྱོད།  

ངོ་མཚར་གླེང་མོལ།

པར་ལེན་།

西藏第一座寺庙——桑耶寺

བགྲོ་གླེང་།:ཆོས་ལུགས།

[བགྲོ་གླེང་།]