རྒྱལ་ཡོངས་ལུས་རྩལ་འགྲན་ཚོཌ་སྐབས་བཅུ་གསུམ་པའི་ཐོག་བོད་ལྗོངས་འཐུས་མི་ཚོཌ་པར་གྲུབ་འབྲས་ཡག་པོ་ཐོབ་ཡོད།

ཡོང་ཁུངས།   མི་དམངས་དྲ་བ།       རྩོམ་པོ།   བོད་ལྗོངས་འཕྲིན་དྲ།      སྤེལ་དུས།   2017-09-10

您没有安装FlashPlayer或版本太低, 请点击获得最新版本FlashPlayer

 
 
 
 
00:00

ཉེ་དུས།  རྒྱལ་ཡོངས་ལུས་རྩལ་འགྲན་ཚོགས་སྐབས་བཅུ་གསུམ་པའི་མཆོང་རྒྱུག་འཕེན་གསུམ་སྐྱེས་པའི་སྨི ༡༠༠༠༠ ཡི་རྟིང་རྩོད་འགྲན་བསྡུར་ནང་།  བོད་རང་སྐྱོང་ལྗོངས་ཀྱི་ལུས་རྩལ་པ་སྟོབས་རྒྱལ་དང་མི་འགྱུར་ཉི་མ་གཉིས་ཀྱིས་སྔ་གཞུག་ཏུ་རྒྱུག་འབྲས་སྐར་མ ༢༨ སྐར་ཆ ༢༦ སྐར་ཆུང་ ༨༦ དང་སྐར་མ ༢༩ སྐར་ཆ ༢༦ སྐར་ཆུང་ ༤༦ གི་ཐོག་ནས་ཨང་དང་པོ་དང་ཨང་གསུམ་པ་བླངས་ནས་བོད་རང་སྐྱོང་ལྗོངས་ལ་གསེར་གྱི་རྟགས་མ་གཅིག་དང་ཟངས་ཀྱི་རྟགས་མ་གཅིག་ཐོབ་པ་དང་།  རྟ་མགྲིན་ཚེ་དབང་གིས་ཨང་བདུན་པ་བླངས་པ་རེད། 

ཚེས ༥ ཉིན་གྱི་དགོང་མོ།  ལྟད་མོ་བས་བཙིར་སྐད་དང་དགའ་འབོད་ཀྱི་སྒྲའི་ཁྲོད་དུ་རྒྱལ་ཡོངས་ལུས་རྩལ་འགྲན་ཚོགས་ཀྱི་སྐྱེས་པའི་སྨི ༡༠༠༠༠ ཡི་རྟིང་རྩོད་འགྲན་བསྡུར་མཇུག་སྒྲིལ་བ་རེད།  ལོ་མང་པོ་ཞིག་གི་རིང་འབད་བརྩོན་བྱས་པར་ཕྱིར་མིག་བལྟས་པ་ན།  ཚང་མ་རིན་ཐང་ལྡན་པ་ཞིག་རེད།  བོད་རང་སྐྱོང་ལྗོངས་མཆོང་རྒྱུག་འཕེན་གསུམ་གྱི་རྩལ་འཁྲིད་པ་སྐལ་བཟང་ཚེ་རིང་གིས་སྟོབས་རྒྱལ་གྱི་གྲུབ་འབྲས་ནི་མཐོ་སྒང་གི་མི་ཡིས་མཐོ་སྒང་དུ་ཡུན་རིང་སྦྱོང་བརྡར་བྱས་པའི་འབྲས་བུ་རེད།  ཉེ་བའི་ལོ་ཤས་རིང་།  བོད་རང་སྐྱོང་ལྗོངས་སུ་ལུས་རྩལ་པ་ཕུལ་བྱུང་ཁག་གཅིག་ཐོན་ཡོད་པས།  མཐོ་སྒང་ལུས་རྩལ་གྱི་བགྲོད་ལམ་གསར་པ་ཞིག་བཏོད་ཡོད་ཅེས་བརྗོད་པ་རེད།  སླད་མར།  རྩལ་འཁྲིད་པ་དང་ངེད་གཉིས་ཀྱིས་ལག་གདང་སྦྲེལ་ནས་མུ་མཐུད་འབད་པ་བྱས་ཏེ་གྲུབ་འབྲས་སྔར་ལས་ལྷག་པ་ལེན་རྒྱུ་ཡིན་ཞེས་པའི་སྟོབས་རྒྱལ་གྱི་སྐད་ཆ་དེས་བོད་ལྗོངས་ཀྱི་བུ་ཕྲུག་ཚོའི་ཆེས་བབ་ཆགས་པའི་སེམས་གཏམ་དེ་མཚོན་ཡོད།

ཟངས་ཀྱི་རྟགས་མ་ལེན་མཁན་མི་འགྱུར་ཉི་མ་ནི་འཕེལ་རྒྱས་ཆེས་ཆེ་བའི་ལུས་རྩལ་པ་ཞིག་ཡིན་ལ།  ཁོང་གིས་བྱ་དགའ་ཞིག་ལེན་ཐུབ་པ་བློ་ཡིད་ལས་འདས་པ་ཞིག་རེད་ཅེས་བརྗོད།  ལྷན་རྒྱས་ཀྱིས་རྒྱབ་སྐྱོར་དང་སྐུལ་མ་གནང་བར་ཐུགས་རྗེ་ཆེ།  ངས་བག་ཕེབས་ཀྱི་སེམས་པ་ཞིག་ནས་འགྲན་བསྡུར་ལ་ཞུགས་པ་ཡིན་ལ།  འབད་འཐབ་ཀྱི་གོ་རིམ་ལོངས་སྤྱོད་བྱེད་རྒྱུ་ནི་མཇུག་འབྲས་ལས་ཀྱང་གལ་ཆེ་བ་ཞིག་རེད་ཅེས་བརྗོད་པ་རེད།

གཤིས་རྒྱུད་ཞི་ལྷོད་ཅན་གྱི་རྟ་མགྲིན་ཚེ་དབང་གིས་ད་ཐེངས་བྱ་དགའ་ཞིག་ལེན་ཐུབ་མེད་ཀྱང་།  ཨང་བདུན་པ་བླངས་པ་དེའང་གྲུབ་འབྲས་བཟང་པོ་ཞིག་རེད།  ཚང་མས་བལྟས་ན།  ཁོང་ནི་སེམས་པ་བཟང་ལ་བློ་བརྟན་པ།  སྐད་ཆ་ཉུང་བའི་རུ་གྲོགས་བཟང་པོ་ཞིག་རེད།  ངས་རང་ཉིད་ཀྱི་ནུས་ཤུགས་ཡོད་ཚད་འདོན་མ་ཐུབ་པའི་ཚོར་བ་ཡོང་གི་འདུག  ཕྱིས་སུ་ད་དུང་འབད་པ་སྔར་བས་ལྷག་པ་བྱས་ཏེ་སྔར་ཡོད་ཀྱི་གྲུབ་འབྲས་ཐོག་འཐོལ་བརྒལ་ཐུབ་པར་བྱེད་རྒྱུ་ཡིན་ཞེས་བརྗོད་པ་རེད།

འགྲན་བསྡུར་མཇུག་རྫོགས་རྗེས།  རྩལ་འཁྲིད་པ་དང་རུ་མི་ཚོ་དགའ་སྤྲོའི་ངང་ཕན་ཚུན་རྟེན་འབྲེལ་ཞུ་བཞིན་ཡོད་པ་རེད།  དགོང་མོ་དེའི་མཆོང་རྒྱུག་འཕེན་གསུམ་གྱི་ར་བ་ནི་ཁོང་ཚོར་དབང་ཡོད་ལ།  དགོང་མོ་དེར་དྲོ་སྐྱིད་ལྡན་པ་དང་མཛེས་ཤིང་སྡུག་པ།  བདེ་ཞིང་སྐྱིད་པ་ཞིག་རེད།  ངོ་མཚར་མང་པོ་ཞིག་ཐོན་ངེས་པར་ང་ཚོ་ལ་ཡིད་ཆེས་ཀྱིས་ཁེངས་ཡོད།།

  ༼  རྩོམ་སྒྲིག་གསལ་དགའ། ༽
མཉམ་སྤྱོད།  

ངོ་མཚར་གླེང་མོལ།

པར་ལེན་།

西藏第一座寺庙——桑耶寺

བགྲོ་གླེང་།:ཆོས་ལུགས།

[བགྲོ་གླེང་།]