ཕུལ་བྱུང་ལྷ་མོའི་མུ་འབྲེལ་འཁྲབ་སྟོན་ནོར་བུ་གླིང་ཁ་བཅས་སུ་སྤེལ་རྒྱུ།

ཡོང་ཁུངས།   བོད་ལྗོངས་འཕྲིན་དྲ།       རྩོམ་པོ།   ཝང་ལི།      སྤེལ་དུས།   2019-09-01

您没有安装FlashPlayer或版本太低, 请点击获得最新版本FlashPlayer

 
 
 
 
00:00

ལྷ་སའི་ཞོ་སྟོན་ནི་སྤྱི་ཟླ ༨ ཚེས ༣༠ ཉིན་ནས་སྤྱི་ཟླ ༩ ཚེས ༥ ཉིན་བར་ཡིན་པ་དང་།  དེའི་རིང་ལྷ་ས་གྲོང་ཁྱེར་མི་དམངས་སྲིད་གཞུང་དང་བོད་རང་སྐྱོང་ལྗོངས་རིག་གནས་ཐིང་གིས་གཙོ་གཉེར་བྱས་པའི་ཕུལ་བྱུང་ལྷ་མོའི་མུ་འབྲེལ་འགྲེམས་འཁྲབ་དེ་ནོར་བུ་གླིང་ཁ་དང་རྫོང་རྒྱབ་ཀླུ་ཁང་།  ལྗོངས་ལྷ་མོའི་སྒྱུ་རྩལ་ལྟེ་གནས།  ལྗོངས་མང་ཚོགས་སྒྱུ་རྩལ་ཁང་བཅས་སུ་སྤེལ་རྒྱུ་རེད།

ཕུལ་བྱུང་ལྷ་མོའི་འཁྲབ་སྟོན་དེ་ལྷ་སའི་ཞོ་སྟོན་གྱི་སྣ་མང་བྱེད་སྒོའི་གྲས་ཤིག་ཡིན་པའི་ངོས་ནས་ལྗོངས་ཡོངས་ཀྱི་ལྷ་མོ་འགྲེམས་སྟོན་སྐབས་བརྒྱད་པ་དང་།  ལྷ་མོའི་གར་སྟེགས་ཟློས་གར༼གཟུགས་ཀྱི་ཉི་མ༽ཞེས་པའི་ཆེད་དོན་འཁྲབ་སྟོན།  ལྷ་མོའི་གཞས་གདངས་འགྲེམས་འཁྲབ་སོགས་ཀྱི་བྱེད་སྒོ་རབ་དང་རིམ་པ་སྤེལ་བ་བརྒྱུད།  ཉེ་བའི་ལོ་ཤས་རིང་བོད་ཀྱིས་ལྷ་མོ་སྲུང་སྐྱོང་དང་རྒྱུན་འཛིན།  འཕེལ་རྒྱས་བཅས་ལ་ཐོབ་པའི་གྲུབ་འབྲས་གང་ལེགས་མངོན་ཡོད་པ་མ་ཟད།  ལྗོངས་ཡོངས་ཀྱི་ལྷ་མོའི་འཁྲབ་གཞུང་ཁག་གི་འགྲེམས་སྟོན་དང་སྤེལ་རེས་ལས་སྟེགས་ནུས་ལྡན་གཏོད་ཡོད་ལ།  ལྷ་མོའི་སྒྱུ་རྩལ་གྱི་ཡིད་དབང་འཕྲོག་ཤུགས་སྔར་བས་ཆེ་བ་འཕེལ་བས་ལྷ་མོ་འཁྲབ་སྟོན་གྱི་ཆུ་ཚད་རྒྱུན་ཆད་མེད་པར་མཐོ་རུ་ཕྱིན་ཡོད།

ངོ་སྤྲོད་བྱས་པར་གཞིགས་ན།  ལྷ་མོའི་འཁྲབ་གཞུང་༼གཟུགས་ཀྱི་ཉི་མ།༽ཞེས་པའི་ཆེད་དོན་འཁྲབ་སྟོན་དེ་སྤྱི་ཟླ ༨ ཚེས ༣༡ ཉིན་ནས་ཟླ ༩ ཚེས ༢ ཉིན་གྱི་དགོང་མོའི་ཆུ་ཚོད་༢༠:༠༠ ནས ༢༢:༣༠ བར་རང་སྐྱོང་ལྗོངས་གཙང་ཆུའི་ལྷ་མོའི་སྒྱུ་རྩལ་ལྟེ་གནས་སུ་འཁྲབ་སྟོན་བྱ་རྒྱུ་དང་།  ཟླ ༩ ཚེས ༣ ཉིན་གྱི་དགོང་མོའི་ཆུ་ཚོད ༡༩:༣༠ ནས ༢༡:༠༠ བར་རང་སྐྱོང་ལྗོངས་མང་ཚོགས་སྒྱུ་རྩལ་ཁང་དུ་འཁྲབ་སྟོན་བྱ་རྒྱུ་རེད།།

  ༼  ཡིག་བསྒྱུར་ཚེ་སྒྲོན། ༽
མཉམ་སྤྱོད།  

ངོ་མཚར་གླེང་མོལ།

པར་ལེན་།

西藏第一座寺庙——桑耶寺

བགྲོ་གླེང་།:ཆོས་ལུགས།

[བགྲོ་གླེང་།]