རྒྱལ་ཡོངས་ཐུ་བྷོད་སྙན་ངག་མཁན་པོ་དང་བོད་རྒྱ་སྐད་གཉིས་སྙན་ངག་འགྲན་ཚོགས་སྐབས་གསུམ་པ་གཉེར་འགོ་ཚུགས།

ཡོང་ཁུངས།   བོད་ལྗོངས་འཕྲིན་དྲ།       རྩོམ་པོ།   ཧྲེ་ཞོལ་ཡང་།      སྤེལ་དུས།   2019-10-22

您没有安装FlashPlayer或版本太低, 请点击获得最新版本FlashPlayer

 
 
 
 
00:00

ཉེ་དུས།  ཀྲུང་གུང་འཕྱོངས་རྒྱས་རྫོང་ཨུད་དང་རྫོང་སྲིད་གཞུང་།  བོད་ལྗོངས་མཆོག་ནོར་སྨྱན་སྦྱོར་ཚད་ཡོད་ཀུང་སི་བཅས་ཀྱིས་བོད་རང་སྐྱོང་ལྗོངས་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་དང་མཉམ་འབྲེལ་ཐོག་གཉེར་བའི་རྒྱལ་ཡོངས་ཐུ་བྷོད་སྙན་ངག་མཁན་པོ་དང་བོད་རྒྱ་སྐད་གཉིས་སྙན་ངག་འགྲན་ཚོགས་སྐབས་གསུམ་པ་གཉེར་འགོ་ཚུགས་པ་རེད།  ལྗོངས་ཕྱི་ནང་ནས་ཕེབས་པའི་རྩོམ་པ་པོ་དང་སྙན་ངག་མཁན་པོ་བརྒྱ་ལྷག་ཙམ་གྱིས་ལྷོ་ཁར་མཉམ་འཛོམས་བྱས་ཏེ་རྩོམ་རིག་སྒྱུ་རྩལ་གྱི་སྟོན་མོ་དེར་མཉམ་རོལ་བྱས་ཡོད།

བྱེད་སྒོའི་ས་ཡུལ་དངོས་སུ་སྙན་ངག་གྱེར་འདོན་པ་ཚོས་བརྩེ་གདུང་གི་ཕྱུག་པའི་ཉམ་སྣང་གི་ཐོག་ནས་འཕྱོངས་རྒྱས། གཟིམ་སྦུག་ནང་གི་བུ་མོ་ཞེས་པ་དང་།  འཕྱོངས་རྒྱས་ཟླ་བ་སྒྲོལ་མ་ཞེས་པ།  རྟ་མཆོག་ཁྲི་ཁས་འཛམ་གླིང་གི་རུས་སྲུབས་ན་རྒྱུགས་ཞེས་པ།  གངས་ལྗོངས་ཀྱི་གཏམ་རྒྱུད་ཞེས་པ།  སྔོ་ལྗང་གི་གྲོག་རོང་ཡར་ཀླུང་མི་རིགས་ཀྱི་ལྷ་ཡུལ་ཞེས་པ་སོགས་སྙན་འཇེབས་ལྡན་པའི་བརྩམས་ཆོས་བདུན་ལས་ད་ཐེངས་ཀྱི་སྒྱུ་རྩལ་འགྲན་ཚོགས་དེའི་མཐོ་རླབས་འཕྱུར་བ་བྱས་ཡོད།

ཤེས་རྟོགས་བྱས་པར་གཞིགས་ན།  ཐུ་བྷོད་སྙན་ངག་མཁན་པོ་དང་བོད་རྒྱ་སྐད་གཉིས་སྙན་ངག་འགྲན་ཚོགས་དེ་ནི་ཀྲུང་གུང་འཕྱོངས་རྒྱས་རྫོང་ཨུད་དང་རྫོང་སྲིད་གཞུང་།  བོད་ལྗོངས་མཆོག་ནོར་སྨྱན་སྦྱོར་ཚད་ཡོད་ཀུང་སི་བཅས་ཀྱིས་སྤྱི་ལོ ༢༠༡༧ ལོར་འཕྱོངས་རྒྱས་ཡུལ་སྐོར་རིག་གནས་དུས་ཆེན་ཐོག་འཆར་འགོད་བྱས་ཏེ་གཏོད་པའི་ཕུལ་བྱུང་གི་བྱེད་སྒོ་ཞིག་ཡིན།  སྤྱི་ལོ ༢༠༡༨ ལོར་ཀྲུང་གུང་འཕྱོངས་རྒྱས་རྫོང་ཨུད་དང་རྫོང་སྲིད་གཞུང་།  བོད་ལྗོངས་མཆོག་ནོར་སྨྱན་སྦྱོར་ཚད་ཡོད་ཀུང་སི།  དེ་བཞིན་བོད་ལྗོངས་དང་སི་ཁྲོན།  ཡུན་ནན།  ཀན་སུའུ།  མཚོ་སྔོན་བཅས་ཞིང་ལྗོངས་ལྔའི་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་དང་རྩོམ་པ་པོའི་མཐུན་ཚོགས་བཅས་ཀྱི་ཐུན་མོང་འབད་བརྩོན་འོག  ཐུ་བྷོད་སྙན་ངག་མཁན་པོ་ཞེས་པ་བོད་ལྗོངས་ནས་རྒྱལ་ཡོངས་ཕྱོགས་སུ་ཁྱབ་འགྱེད་བཏང་ཡོད་ལ།  ད་ཆ་བོད་ལྗོངས་ཁྱོན་དུ་སྙན་ངག་ཁྱབ་ཁོངས་དང་འབྲེལ་བའི་དབང་གྲགས་ལྡན་ཤོས་ཀྱི་འགྲན་བསྡུར་ཞིག་ཏུ་གྱུར་ཟིན་ཡོད།། 

  ༼  ཡིག་བསྒྱུར་ཚེ་སྒྲོན། ༽
མཉམ་སྤྱོད།  

ངོ་མཚར་གླེང་མོལ།

པར་ལེན་།

西藏第一座寺庙——桑耶寺

བགྲོ་གླེང་།:ཆོས་ལུགས།

[བགྲོ་གླེང་།]