ཀྲུང་ནེ་དབར་གྱི་རྒྱལ་སྤྱིའི་ལས་ཞོར་ཕྱིང་པ་སྤོ་ལོའི་མཛའ་གྲོགས་འགྲན་བསྡུར་སྐབས་གཉིས་པ་ལྷ་ས་སྣེའུ་གྲོང་གསར་དུ་མཇུག་སྒྲིལ།

ཡོང་ཁུངས།   བོད་ལྗོངས་འཕྲིན་དྲ།       རྩོམ་པོ།   དོན་གྲུབ་ཚེ་རིང་།      སྤེལ་དུས།   2019-10-23

您没有安装FlashPlayer或版本太低, 请点击获得最新版本FlashPlayer

 
 
 
 
00:00

དུས་ཡུན་ཉིན་གསུམ་བྱས་པའི་རྒྱུད་གཅིག་ལམ་གཅིག་གི་ཀྲུང་ནེ་དབར་གྱི་རྒྱལ་སྤྱིའི་ལས་ཞོར་ཕྱིང་པ་སྤོ་ལོའི་མཛའ་གྲོགས་འགྲན་བསྡུར་སྐབས་གཉིས་པ་སྤྱི་ཟླ་བཅུ་པའི་ཚེས ༢༡ ཉིན་གྱི་ཕྱི་དྲོ་ལྷ་ས་སྣེའུ་གྲོང་གསར་དུ་མཇུག་སྒྲིལ་བ་རེད།  བོད་ལྗོངས་རུ་ཁག་གིས་ད་ཐེངས་འགྲན་བསྡུར་ཐོག་མཉམ་སྡེབས་ཀྱི་བྱ་དགའ་ཨང་དང་པོ་ལེན་ཡོད།  ཤེས་རྟོགས་བྱས་པར་གཞིགས་ན།  སྤྱི་ལོ ༢༠༢༠ ལོར་འགྲན་བསྡུར་བྱེད་སྒོ་འདི་ནེ་པ་ལའི་གྲོང་ཁྱེར་གཉིས་པ་ཕོ་ཁའ་རར་སྤེལ་རྒྱུ་རེད།

ད་ཐེངས་ཀྱི་འགྲན་བསྡུར་ཐོག་ནེ་པ་ལའི་ཀ་ཏ་མན་ཏུ་རྩྭ་ཐང་ཕྱིང་པ་སྤོ་ལོ་སྤྲོ་སྐྱིད་ཁང་ལ་མཉམ་སྡེབས་ཀྱི་ཨང་གསུམ་པ་ཐོབ་ཡོད།  ནེ་པ་ལའི་རུ་སྣེ་འཁྲིད་མཁན་ག་རི་མུའུ་ལ་རྨུ་སེ་ལིམ་གྱིས།  ལྷ་སར་སྡོད་རིང་ང་ཚོར་སྣེ་ལེན་གཟབ་རྒྱས་ཐོབ་བྱུང་ལ་འདོད་བློ་མཐུན་པའི་གྲོགས་པོ་ཡང་མང་པོ་ངོ་ཤེས་བྱུང་བས་ང་ཚོ་ཚང་མ་ཧ་ཅང་དགའ་པོ་བྱུང་།  ལྷག་པར་དུ་ནེ་པ་ལ་རྒྱལ་ཁབ་ཕྱིང་པ་སྤོ་ལོ་མཉམ་འབྲེལ་ལྷན་ཚོགས་དང་བོད་ལྗོངས་ཕྱིང་པ་སྤོ་ལོ་མཉམ་འབྲེལ་ལྷན་ཚོགས་དབར་ཐོག་མའི་འདོད་ཐུན་བྱུང་སྟེ།  སྤྱི་ལོ ༢༠༢༠ ལོ་ནས་བཟུང་ཕྱོགས་གཉིས་པོས་འགྲན་བསྡུར་རྣམ་གྲངས་འདི་རེ་མོས་བྱས་ནས་གཉེར་རྒྱུ་ཡིན་པས།  སང་ལོར་སྤྱིན་བདག་གི་མིང་ཐོག་ནས་མུ་མཐུད་ཕྱིང་པ་སྤོ་ལོར་དགའ་པོ་བྱེད་མཁན་ཀྲུང་གོ་བ་དང་བགྲོ་གླེང་སྤེལ་རེས་བྱེད་རྒྱུའི་རེ་བ་བྱེད་ཀྱི་ཡོད་ལ།  ཕྱོགས་གཉིས་པོའི་དབར་ཕྱིང་པ་སྤོ་ལོ་ཕུད་པའི་དེ་མིན་གྱི་བྱེད་སྒོ་མང་པོ་སྤེལ་ནས་རྒྱལ་ཁབ་གཉིས་པོའི་མི་དམངས་ཕན་ཚུན་དབར་གྱི་སྤེལ་རེས་ལ་ཤུགས་སྣོན་ཐེབས་རྒྱུའི་རེ་བ་ཡང་བྱེད་ཀྱི་ཡོད་ཅེས་བཤད།

བོད་རང་སྐྱོང་ལྗོངས་ཕྱིང་པ་སྤོ་ལོ་མཉམ་འབྲེལ་ལྷན་ཚོགས་ཀྱི་དྲུང་ཡིག་ཆེ་མོ་གཞོན་པ་ཡང་ཅེ་ཡིས་ད་ཐེངས་ཀྱི་འགྲན་བསྡུར་བརྒྱུད་ཀྲུང་ནེ་ཕྱོགས་གཉིས་པོའི་དམངས་ཁྲོད་དབར་གྱི་མཛའ་གྲོགས་འབྲེལ་བ་ཟབ་ཏུ་ཕྱིན་ཡོད་པ་མ་ཟད།  ཀྲུང་ནེ་དབར་གྱི་རིག་གནས་ལུས་རྩལ་སྤེལ་རེས་དང་མཛའ་གྲོགས་ཀྱི་ལེའུ་གསར་པ་ཡང་གཏོད་ཡོད་ཅེས་བཤད།།

  ༼  ཡིག་བསྒྱུར་ཚེ་སྒྲོན། ༽
མཉམ་སྤྱོད།  

ངོ་མཚར་གླེང་མོལ།

པར་ལེན་།

西藏第一座寺庙——桑耶寺

བགྲོ་གླེང་།:ཆོས་ལུགས།

[བགྲོ་གླེང་།]