ལྷ་སས་མྱུར་སྐྱེལ་ཞབས་ཞུའི་འགན་ལེན་ལས་དོན་བཀོད་སྒྲིག་དང་སྐུལ་སློང་གི་ཚོགས་འདུ་འཚོགས།

ཡོང་ཁུངས།   བོད་ལྗོངས་འཕྲིན་དྲ།       རྩོམ་པོ།   བོད་ལྗོངས་འཕྲིན་དྲ།      སྤེལ་དུས།   2019-11-06

您没有安装FlashPlayer或版本太低, 请点击获得最新版本FlashPlayer

 
 
 
 
00:00

སྤྱི་ཟླ་བཅུ་གཅིག་པའི་ཚེས ༥ ཉིན།  ལྷ་ས་གྲོང་ཁྱེར་སྦྲག་སྲིད་དོ་དམ་ཅུས་ཀྱིས་གྲོང་ཁྱེར་ཡོངས་ཀྱི་མྱུར་སྐྱེལ་ལས་སྒོ་སྒྲུབ་མང་བའི་དུས་ཀྱི་ཞབས་ཞུའི་འགན་ལེན་ལས་དོན་བཀོད་སྒྲིག་དང་སྐུལ་སློང་གི་ཚོགས་འདུ་འཚོགས་པ་དང་།  ཚོགས་འདུའི་ཐོག་གྲོང་ཁྱེར་ཡོངས་ཀྱི་སྤྱི་ལོ ༢༠༡༩ ལོའི་མྱུར་སྐྱེལ་ལས་སྒོ་སྒྲུབ་མང་བའི་དུས་ཀྱི་ཞབས་ཞུའི་འགན་ལེན་ལས་དོན་བཀོད་སྒྲིག་བྱས་པ་རེད།  ཀྲུང་ཐུང་དང་ཧྲེན་ཐུང་།  ཅིང་ཏུང་སོགས་མྱུར་སྐྱེལ་ཁེ་ལས ༢༠ ལྷག་ཙམ་གྱི་འབྲེལ་ཡོད་འགན་འཁུར་བ་ཚོགས་འདུར་ཞུགས་ཡོད།

ལྷ་ས་གྲོང་ཁྱེར་སྦྲག་སྲིད་དོ་དམ་ཅུས་ཀྱི་ཏང་ཙུའི་ཧྲུའུ་ཅིཅུས་ཀྲང་བཀྲ་ཤིས་ཉི་མས།  མྱུར་སྐྱེལ་ཁེ་ལས་ཁག་གིས་ངེས་པར་དུ་གཅིག་འགྱུར་དོ་དམ་བྱེད་རྒྱུར་ཤུགས་སྣོན་བརྒྱབ་ནས།  མི་སྣ་དང་དངོས་ཟོག  རླངས་འཁོར་བཅས་སྔ་སྣུར་གཏན་འཁེལ་བྱས་ཏེ་བབ་བསྟུན་བཀོད་གཏོང་བྱེད་པ་དང་འགྲིམ་འགྲུལ་དོག་དུས་ལ་གཡོལ་བ་སོགས་ཀྱི་བྱ་ཐབས་ནུས་ལྡན་སྤྱད་དེ།  དངོས་ཟོག་ཕུང་གསོག་ཐེབས་པ་སོགས་ཀྱི་གནས་ཚུལ་ཐོན་རྒྱུ་སྔོན་འགོག་བྱས་ཐོག་མྱུར་སྐྱེལ་ལས་སྒོ་སྒྲུབ་མང་བའི་དུས་ཀྱི་ཞབས་ཞུ་འགན་ལེན་གྱི་ནུས་པ་ཆེ་རུ་ཏན་ཏིག་གཏོང་དགོས་ཅེས་གསུངས། 

ཤེས་རྟོགས་བྱས་པར་གཞིགས་ན།  ད་ལོའི་ལོ་མཇུག་ནས་འགོ་ཚུགས་པའི་མྱུར་སྐྱེལ་ལས་སྒོ་མང་བའི་དུས་ཚོད་ཁྱོན་ཉིན་གྲངས ༨༥ ཡོད།  དེ་ཡང་འདི་ལོའི་སྤྱི་ཟླ་བཅུ་གཅིག་པའི་ཟླ་སྟོད་ནས་འགོ་ཚུགས་ཏེ།  དུས་སང་གི་དཔྱིད་གསར་དུས་ཆེན་གྱི་སྔ་ནུབ་ཏུ་མཇུག་སྒྲིལ་རྒྱུ་རེད།  དེའི་རིང་བཅུ་གཅིག་པའི་ཚེས་བཅུ་གཅིག་དང་བཅུ་གཉིས་པའི་ཚེས་བཅུ་གཉིས།  ཡེ་ཤུའི་འཁྲུངས་སྐར་བཅས་ཀྱི་སྐབས་དང་།  དེ་བཞིན་སྤྱི་ལོ ༢༠༢༠ ལོའི་སྤྱི་ལོའི་དུས་ཆེན་དང་དཔྱིད་གསར་དུས་ཆེན་གྱི་གོང་།  དྲ་ཐོག་ཚོང་ཁང་ཁག་གིས་གཅིག་བསྡུས་བྲིན་ཚོང་གི་བྱེད་སྒོ་སྣ་ཚོགས་སྤེལ་གྱི་ཡོད་པས་མྱུར་སྐྱེལ་ལས་སྒོའི་འབོར་གྲངས་ཀྱང་མང་དུ་འགྲོ་ངེས་རེད།།

  ༼  ཡིག་བསྒྱུར་ནོར་བུ། ༽
མཉམ་སྤྱོད།  

ངོ་མཚར་གླེང་མོལ།

པར་ལེན་།

西藏第一座寺庙——桑耶寺

བགྲོ་གླེང་།:ཆོས་ལུགས།

[བགྲོ་གླེང་།]