ལྷ་ས་གྲོང་ཁྱེར་སྟོད་ལུང་བདེ་ཆེན་ཆུས་ཀྱིས་འཛམ་གླིང་ཆུའི་ཉིན་མོའི་དྲིལ་བསྒྲགས་བྱེད་སྒོ་སྤེལ།

ཡོང་ཁུངས།   བོད་ལྗོངས་འཕྲིན་དྲ།       རྩོམ་པོ།   ལི་ཧྲེང་ལི།      སྤེལ་དུས།   2020-03-24

您没有安装FlashPlayer或版本太低, 请点击获得最新版本FlashPlayer

 
 
 
 
00:00

སྤྱི་ཟླ ༣ ཚེས ༢༢ ཉིན་ནི་འཛམ་གླིང་ཆུའི་ཉིན་མོ་ཐེངས ༢༨ པ་དེ་ཡིན་ལ་སྤྱི་ཚེས ༢༢ ནས ༢༨ ཉིན་བར་ནི་ཀྲུང་གོའི་ཆུའི་གཟའ་འཁོར་ཐེངས ༣༣ པ་ཡང་ཡིན།  དེ་ཉིན་ལྷ་ས་གྲོང་ཁྱེར་སྟོད་ལུང་བདེ་ཆེན་ཆུས་ཆུ་བེད་ཅུས་ཀྱི་ལས་དོན་མི་སྣས་རྒུ་རུམ་གྲོང་རྡལ་སྤ་རྭ་གྲོང་ཚོར་ཆུ་གྲོན་ཆུང་བྱ་རྒྱུ་མཐའ་འཁྱོངས་བྱས་ནས་བདེ་སྐྱིད་ལྡན་པའི་མཚོ་དང་མཚེའུ་བསྐྲུན་ཞེས་བརྗོད་དོན་གཙོ་བོར་བྱས་པའི་དྲིལ་བསྒྲགས་བྱེད་སྒོ་སྤེལ་བ་རེད།  བྱེད་སྒོ་སྤེལ་རིང་ལས་དོན་མི་སྣས་ཞིང་འབྲོག་མང་ཚོགས་ལ་དྲིལ་བསྒྲགས་ལག་དེབ་སྤྲད་དེ་ཆུ་གྲོན་ཆུང་གི་སྲིད་ཇུས་དང་ཤེས་བྱ་དྲིལ་བསྒྲགས་བྱས་ནས།  ཞིང་འབྲོག་མང་ཚོགས་ཚོས་ཆུར་གཅེས་སྤྲས་དང་གྲོན་ཆུང་གི་གོམས་གཤིས་བཟང་པོ་འཇགས་རྒྱུར་ཁྲིད་སྟོན་བྱས་ཡོད།

སྤ་རྭ་གྲོང་ཚོའི་ཧྲུའུ་ཅི་དང་པོ་ཀུན་བཟང་རྡོ་རྗེས་ད་ཐེངས་ཀྱི་བྱེད་སྒོ་ལས་ང་ཚོས་ཆུ་གྲོན་ཆུང་དང་སྣོད་བཅུད་སྲུང་སྐྱོང་བྱེད་དགོས་པའི་གལ་ཆེའི་རང་བཞིན་ཤེས་རྟོགས་བྱུང་།  སླད་ཕྱིན་ང་ཚོས་ངེས་པར་དུ་དཔེ་སྟོན་གྱི་ནུས་པ་འདོན་སྤེལ་གང་ལེགས་བྱས་ཏེ་ཆུ་གྲོན་ཆུང་ལ་ལྷོད་གཡེང་སྤུ་ཙམ་གཏོང་གི་མིན་ཞེས་བཤད།

སྟོད་ལུང་བདེ་ཆེན་ཆུས་ཆུ་བེད་ཅུས་ཀྱི་ལས་རོགས་ལག་རྩལ་ཆེ་མོ་བ་སྒྲོལ་དཀར་གྱིས།  ད་ཐེངས་ཀྱི་བྱེད་སྒོའི་དམིགས་ཡུལ་ནི་རྒྱ་ཆེའི་ཞིང་འབྲོག་མང་ཚོགས་ཚོས་ཆུ་གྲོན་ཆུང་གི་འདུ་ཤེས་བརྟན་པོ་འཛུགས་པ་དང་།  འདུ་ཤེས་དེ་རྒྱུན་གཏན་ཅན་དུ་འགྱུར་ཐུབ་པ་བྱས་ཐོག་མི་དེ་བས་མང་བ་ཆུ་གྲོན་ཆུང་དང་ཆུའི་ཁོར་ཡུག་སྲུང་སྐྱོང་བྱེད་པའི་ཁྲོད་ཀྱི་ཁྱབ་སྤེལ་བ་དང་ལག་ལེན་པ།  དཔེ་སྟོན་པ་བཅས་སུ་འགྱུར་བ་བྱ་རྒྱུ་དེ་རེད་ཅེས་བཤད།

ཤེས་རྟོགས་བྱུང་བར་གཞིགས་ན།  མཉམ་འབྲེལ་རྒྱལ་ཚོགས་ཀྱིས་སྤྱི་ལོ ༢༠༢༠ ལོའི་འཛམ་གླིང་ཆུའི་ཉིན་མོའི་བརྗོད་དོན་གཙོ་བོ་དེ་ཆུ་དང་གནམ་གཤིས་ཀྱི་འགྱུར་ལྡོག༼ Water and climate change ༽ཅེས་པར་གཏན་འཁེལ་བྱས་ཡོད།  རང་རྒྱལ་གྱིས་སྤྱི་ལོ ༢༠༢༠ ལོའི་འཛམ་གླིང་ཆུའི་ཉིན་མོ་དང་ཀྲུང་གོའི་ཆུའི་གཟའ་འཁོར་གྱི་བྱེད་སྒོར་དྲན་གསོ་ཞུ་བའི་བརྗོད་དོན་གཙོ་བོ་དེ་ཆུ་གྲོན་ཆུང་བྱ་རྒྱུ་མཐའ་འཁྱོངས་བྱེད་ཅེས་པ་དེ་ཡིན།། 

  ༼  ཡིག་བསྒྱུར་ཚེ་སྒྲོན། ༽
མཉམ་སྤྱོད།  

ངོ་མཚར་གླེང་མོལ།

པར་ལེན་།

西藏第一座寺庙——桑耶寺

བགྲོ་གླེང་།:ཆོས་ལུགས།

[བགྲོ་གླེང་།]