 |
您没有安装FlashPlayer或版本太低, 请点击获得最新版本FlashPlayer
|
ལྡིར་སྒྲ་གྲགས་པ་དང་བསྟུན་ནས་མེ་ལྕེའི་འོད་དང་དུ་བཞག་གི་ཁྲོད། རྒྱང་སྐྱོད་ཨང་ལྔ་པ་རྟགས་ཅན་རྒྱང་འདྲེན་མེ་ཤུགས་འཕུར་མདའི་ཐོག་ཟླ་བའི་གོ་ལའི་འཚོལ་ཞིབ་ཡོ་ཆས་ཟླ་བའི་ལྷ་མོ་ཨང་ལྔ་པ་སྦྲགས་ཏེ་ཀྲུང་གོ་ཝུན་ཁྲང་འཕུར་སྐྱོད་འཕེན་གཏོང་རྟེན་གཞི་ནས་བདེ་བླག་ངང་འཕེན་གཏོང་བྱས་པ་རེད། བོད་ལྗོངས་མཁའ་འགྲུལ་གྱིས་ཟླ་དཔྱད་དང་འཕུར་སྐྱོད་ལས་གྲྭ་ལྟེ་གནས་དང་མཉམ་འབྲེལ་ཐོག བོད་ཀྱི་གཞོན་ནུ་ལོ་ཆུང་གི་ཕུགས་འདུན་མངོན་པའི་བར་སྣང་གི་བརྗོད་དོན་གཙོ་བོ་བྱས་པའི་རི་མོའི་བརྩམས་ཆོས ༢༠ ཡི་གློག་རྡུལ་པར་མ་ཟླ་བའི་ལྷ་མོ་ཨང་ལྔ་པའི་ནང་བཅུག་ཡོད། དེ་དང་ཆབས་ཅིག་བོད་ལྗོངས་མཁའ་འགྲུལ་གྱིས་ཕུགས་འདུན་སྒྲུབ་ཅེས་པའི་གནམ་གྲུ་བཏང་ནས་བོད་ཀྱི་གཞོན་ནུ་ལོ་ཆུང་འཐུས་མི ༢༠ ལྷག་ཙམ་ཝུན་ཁྲང་འཕུར་སྐྱོད་འཕེན་གཏོང་རྟེན་གཞིར་ཁྲིད་དེ། ཕྲུ་གུ་ཚོས་རྒྱང་སྐྱོད་ཨང་ལྔ་པ་རྟགས་ཅན་རྒྱང་འདྲེན་མེ་ཤུགས་འཕུར་མདས་ཟླ་བའི་ལྷ་མོ་ཨང་ལྔ་པ་ཟླ་བའི་གོ་ལར་སྐྱེལ་བའི་བརྒྱུད་རིམ་ཧྲིལ་པོ་ལྟ་རུ་བཅུག་ཡོད།།
