རང་ལྗོངས་སུ་ཚན་རྩལ་གྱིས་ཞིང་འབྲོག་ལས་ལ་ལེགས་སྐྱེས་འབུལ་ཚད་བརྒྱ་ཆ༤༩ཟིན།

ཡོང་ཁུངས།   བོད་ལྗོངས་རླུང་འཕྲིན་བརྙན་འཕྲིན།       རྩོམ་པོ།   བོད་ལྗོངས་འཕྲིན་དྲ།      སྤེལ་དུས།   2019-10-07

您没有安装FlashPlayer或版本太低, 请点击获得最新版本FlashPlayer

 
 
 
 
00:00

ཉེ་ཆར།  བོད་རང་སྐྱོང་ལྗོངས་ཚན་རྩལ་ཐིང་ནས་ཤེས་རྟོགས་བྱུང་བར།  རང་ལྗོངས་ཀྱིས་སྤྱི་ལོ ༢༠༡༦ ལོ་ཚུན་དུ་རྒྱལ་ཁབ་དང་རང་སྐྱོང་ལྗོངས་ཀྱི་ཚན་རྩལ་ཞིབ་སྤེལ་མ་དངུལ་སྒོར་དུང་ཕྱུར ༡༠.༩༨ དོན་འཁྱོལ་བྱས་པ་དང་།  ཚན་རྩལ་ཡར་ཐོན་གྱིས་ཞིང་འབྲོག་ལས་འཕེལ་རྒྱས་ལ་ལེགས་སྐྱེས་འབུལ་ཚད་བརྒྱ་ཆ ༤༩ ཟིན་ཏེ།  དེ་སྔའི་རགས་ལས་རྨོ་འདེབས་དང་གནམ་ལ་བརྟེན་ནས་ཕྱུགས་འཚོ་བའི་ཞིང་འབྲོག་ལས་ཀྱི་གདོད་མའི་རྣམ་པ་ནས་རིམ་བཞིན་དེང་རབས་ཕྱོགས་སུ་སྐྱོད་འགོ་ཚུགས་ཡོད།

གྲངས་གཞི་ལས་མངོན་པར།  ལོ་ལྔ་ཚན་བཅུ་གཉིས་པའི་རིང་བོད་ཀྱི་སྤྱི་ཚོགས་ཡོངས་ཀྱི་ཞིབ་སྤེལ་འགྲོ་གྲོན་ལོ་རེར་ཆ་སྙོམས་བརྒྱ་ཆ ༣༠.༤ འཕར་བ་དང་།  མ་དངུལ་ལོ་ལྔ་ཚན་དགུ་པའི་རིང་གི་སྒོར་དུང་ཕྱུར ༨.༧༣ ནས་ལོ་ལྔ་ཚན་བཅུ་གཉིས་པའི་རིང་གི་སྒོར་དུང་ཕྱུར ༡༦.༩༩ བར་མང་དུ་སོང་ཡོད།  མ་དངུལ་རྒྱུན་མཐུད་བརྟན་པོ་བྱུང་བ་དེས་བོད་ལ་ས་མཐོའི་ཁྱད་ཆོས་ལྡན་པའི་རིག་ཚན་མང་བ་དང་ཁྱབ་ཁོངས་མང་བའི་ཚན་ཞིབ་ལག་རྩལ་གྱི་མ་ལག་ཅིག་རིམ་བཞིན་ཆགས་ཤིང་།  ཁྱབ་ཁོངས་སུ་ཞིང་འབྲོག་ལས་དང་ཁྱད་ལྡན་ཐོན་ལས།  འཕྲོད་བསྟེན་དང་གསོ་རིག  ས་མཐོའི་སྐྱེ་དངོས།  ནགས་ལས།  གནམ་དཔྱད།  གནམ་གཤིས།  འཇིག་རྟེན་འཕྲོ་ཐིག་སོགས་ཚུད་ཡོད།

ལོ་མང་རིང་བོད་དུ་ནས་ཀྱིས་མཚོན་པའི་ཞིང་ལས་སྐྱེ་དངོས་ཀྱི་སོན་བཟང་ཐེངས་གསུམ་བརྗེས་པའི་ནང་།  བོད་ནས་ཨང་ ༣༢༠ དང་བོད་ནས་ཨང་ ༢༠༠༠  དགུན་ནས་ཨང་ ༡༨  ཧི་མ་ལ་ཡ་ཨང་ ༢༢ སོགས་སོན་བཟང་གི་འདེབས་ཁྱོན་མུའུ་ཁྲི ༡༠༠ ཡན་ཟིན་པ་དང་།  ནས་ཀྱི་སོན་བཟང་ཁྱབ་ཚད་བརྒྱ་ཆ ༩༠ ཟིན་ཡོད་པ་དང་།  ཕག་རི་དང་གཟི་ཕུག  མྱང་གཡག  བརྒྱད་ཟིལ།  རི་བོ་ཆེ་བཅས་སུ་འབྲི་གཡག་རྒྱུད་པའི་འདེམས་གསོའི་ལྟེ་གནས ༥ བཙུགས་ཡོད་པར་རིམ་རྩིས་བྱས་ན་འབྲི་གཡག་མགོ་གྲངས ༤༠༠༠ ལྷག་ཙམ་གསོས་པ་དང་།  རྒྱུད་བཟང་མགོ་གྲངས ༡༠༠༠ ལྷག་ཙམ་སྤེལ་བ།  འབྲི་གཅིག་ནས་བེའུ་སྐྱེ་ཚད་བརྒྱ་ཆ ༡༢ མཐོ་རུ་སོང་བ།  གྲང་དུས་སུ་ཤ་ཤེད་ཆག་ཚད་བརྒྱ་ཆ ༥༠ ཡན་དམའ་རུ་སོང་ཡོད།  ད་ཆ་བོད་རང་སྐྱོང་ལྗོངས་ཡོངས་སུ་རིགས་ཁག་གི་ཆེད་ལས་ལག་རྩལ་མི་སྣ་ཁྲི ༨.༧ ཟིན་པ་དང་རིགས་ཁག་གི་ལག་རྩལ་མི་སྣ་དང་ཞིང་འབྲོག་པ་མི་ཐེངས་ཁྲི ༦༥ ལ་གསོ་སྦྱོང་བྱས་པ།  ཚན་རྩལ་ཆེད་མངགས་པ་ཁྲི་གཅིག་ལྷག་ཙམ་བར་མང་དུ་སོང་ཡོད་པ་བཅས་ཡིན།།

  ༼  རྩོམ་སྒྲིག་གསལ་དགའ། ༽
མཉམ་སྤྱོད།  

ངོ་མཚར་གླེང་མོལ།

པར་ལེན་།

西藏第一座寺庙——桑耶寺

བགྲོ་གླེང་།:ཆོས་ལུགས།

[བགྲོ་གླེང་།]