རང་ལྗོངས་རིམ་ཁག་རླུང་འཕྲིན་བརྙན་འཕྲིན་ཚན་པས་སྤུས་ལེཌ་ལེ་ཚན་བསྟན་གཏོང་བྱས་ནས་རིམས་ནད་འགོག་ཟོན་ལ་རྒྱབ་སྐྱོར་བྱས།

ཡོང་ཁུངས།   བོད་ལྗོངས་རླུང་འཕྲིན་བརྙན་འཕྲིན།       རྩོམ་པོ།   བོད་ལྗོངས་འཕྲིན་དྲ།      སྤེལ་དུས།   2020-02-24

您没有安装FlashPlayer或版本太低, 请点击获得最新版本FlashPlayer

 
 
 
 
00:00

ཏོག་དབྱིབས་ནད་དུག་གསར་པའི་གློ་ཚད་ཀྱི་རིམས་ནད་སྔོན་འགོག་ཚོད་འཛིན་གྱི་ལས་དོན་སྤེལ་འགོ་ཚུགས་ཚུན།  རང་སྐྱོང་ལྗོངས་རླུང་འཕྲིན་བརྙན་འཕྲིན་ཅུས་ཀྱིས་རང་ལྗོངས་ཀྱི་རིམ་ཁག་རླུང་འཕྲིན་བརྙན་འཕྲིན་སྨྱན་སྦྱོར་ཚན་པ་སྒྲིག་འཛུགས་བྱས་ཏེ།  རྒྱལ་ཁབ་རླུང་འཕྲིན་བརྙན་འཕྲིན་སྤྱི་ཁྱབ་ཅུས་ནས་སྤེལ་བའི་ཀུན་སེམས་གཅིག་སྒྲིལ་བྱས་ནས་རིམས་ནད་སྔོན་འགོག་ཚོད་འཛིན་བྱེད་ཅེས་པའི་སྤྱི་ཕན་འགྲེམས་གཏོང་བྱེད་སྒོའི་ནང་ཞུགས་ཏེ།  རང་ལྗོངས་ཀྱི་རིམ་ཁག་རླུང་འཕྲིན་བརྙན་འཕྲིན་ཚན་པས་སྤུས་ལེགས་ལེ་ཚན་མཁོ་འདོན་བྱེད་ཤུགས་ཆེ་རུ་གཏོང་བ་དང་།  རིམས་ནད་སྔོན་འགོག་ཚོད་འཛིན་བྱེད་རིང་མི་དམངས་མང་ཚོགས་ཀྱི་རིག་གནས་འཚོ་བ་ཕུན་སུམ་ཚོགས་སུ་གཏོང་སྟེ།  རིམས་ནད་སྔོན་འགོག་ཚོད་འཛིན་ལ་གྲུབ་འབྲས་བཟང་པོ་ཐོབ་རྒྱུར་རྒྱབ་སྐྱོར་ནུས་ལྡན་བྱས་ཡོད།

ཤེས་རྟོགས་བྱས་པར་གཞིགས་ན།  བྱེད་སྒོ་དེ་ད་ལོའི་སྤྱི་ཟླ ༢ པ་ནས་སྤྱི་ཟླ ༤ པའི་ཚེས ༣༠ ཉིན་བར་རྒྱུན་མཐུད་ངང་སྤེལ་རྒྱུ་དང་།  རྒྱལ་ཁབ་རླུང་འཕྲིན་བརྙན་འཕྲིན་སྤྱི་ཁྱབ་ཅུས་ཀྱིས་རྒྱལ་ཡོངས་ཀྱི་རིམ་ཁག་རླུང་འཕྲིན་བརྙན་འཕྲིན་ཚན་པ་བརྒྱུད།  ཆུ་ཚོད ༢༠༠༠ ལྷག་ཙམ་ཟིན་པའི་རླུང་འཕྲིན་བརྙན་འཕྲིན་གྱི་ལེ་ཚན ༡༨༠ ལྷག་ཙམ་རིན་མེད་བསྟན་གཏོང་བྱེད་རྒྱུར་གཅིག་གྱུར་འཆར་འགོད་དང་མཐུན་སྦྱོར་བྱས་པ་རེད།  བྱེད་སྒོ་སྤེལ་ཚུན་རང་སྐྱོང་ལྗོངས་རླུང་འཕྲིན་བརྙན་འཕྲིན་ཅུས་ཀྱིས་རང་ལྗོངས་ཀྱི་རིམ་ཁག་རླུང་འཕྲིན་བརྙན་འཕྲིན་ཚན་པ་སྒྲིག་འཛུགས་བྱས་ནས་འབྲེལ་ཡོད་ལེ་ཚན་ཕབ་འཇུག་དང་ཞིབ་བཤེར།  སྒྲིག་བཟོ་བཅས་བྱས་ཡོད།  དེ་དང་ཆབས་ཅིག་རང་སྐྱོང་ལྗོངས་རླུང་འཕྲིན་བརྙན་འཕྲིན་ཅུས་ཀྱིས་ད་དུང་རིམ་ཁག་རླུང་འཕྲིན་བརྙན་འཕྲིན་ཚན་པ་སྒྲིག་འཛུགས་བྱས་ནས།  རིམས་ནད་སྔོན་འགོག་ཚོད་འཛིན་གྱི་སྤྱི་ཕན་བརྡ་ཁྱབ་ཕབ་ལེན་གཏོང་སྤེལ་བྱས་པ་དང་།  སྔོན་འགོག་ཚོད་འཛིན་གྱི་ཤེས་བྱ་ཚན་རིག་དང་མཐུན་པའི་སྒོ་ནས་དྲིལ་བསྒྲགས་བྱས་ཏེ།  རིམས་ནད་སྔོན་འགོག་ཚོད་འཛིན་ལ་རྒྱབ་སྐྱོར་ནུས་ལྡན་བྱས་ཡོད།

བོད་རང་སྐྱོང་ལྗོངས་རླུང་འཕྲིན་བརྙན་འཕྲིན་ཅུས་དྲིལ་བསྒྲགས་དོ་དམ་ཁྲུའི་ཁྲུའུ་ཀྲང་སྤེན་པ་ཚེ་རིང་ནས་ངོ་སྤྲོད་གནང་བར་གཞིགས་ན།  སྤྱི་ཟླ ༢ པའི་ཚེས ༢༡ ཉིན་བར་བོད་ལྗོངས་རླུང་འཕྲིན་བརྙན་འཕྲིན་ལས་ཁུངས་ཀྱིས་བོད་རྒྱ་ཡིག་རིགས་གཉིས་ཀྱི་སྤྱི་ཕན་བརྡ་ཁྱབ ༢༠ ལྷག་ཙམ་བཟོས་ནས་ཁྱོན་ཐེངས ༢༧༠༠ བསྟན་གཏོང་བྱས་ཡོད་པ་དང་།  གྲོང་ཁྱེར༼ས་ཁུལ༽བདུན་ནས་བཟོས་པའི་སྤྱི་ཕན་བརྡ་ཁྱབ་ཁག ༨༩༥ ཟིན་ཞིང་ཁྱོན་ཐེངས ༢༣༥༠༠ ལྷག་ཙམ་བསྟན་གཏོང་བྱས་ཡོད།

ཤེས་རྟོགས་བྱས་པར་གཞིགས་ན།  རང་སྐྱོང་ལྗོངས་རླུང་འཕྲིན་བརྙན་འཕྲིན་ཅུས་ཀྱིས་སྤྱི་ཕན་འགྲེམས་གཏོང་བྱེད་སྒོར་ཕུལ་བྱུང་ལེ་ཚན་མཁོ་འདོན་བྱས་པ་ཕུད།  ཆུ་ཚོད ༢༦༠ ལྷག་ཙམ་གྱི་ཕུལ་བྱུང་ལེ་ཚན ༦༨ གཅིག་གྱུར་འཆར་འགོད་ངང་མཐུན་སྦྱོར་བརྒྱུད།  རང་ལྗོངས་རིམ་ཁག་བསྟན་གཏོང་ཚན་པས་རིན་མེད་ངང་བསྟན་གཏོང་བྱེད་རྒྱུར་མཁོ་འདོན་བྱས་པ་དང་།  གོམ་སྟབས་རྗེས་མར་ལྗོངས་ཡོངས་ཀྱི་རྒྱ་ཆེའི་གསན་གཟིགས་པ་ཚོར་ཕུན་སུམ་ཚོགས་ལ་སྒྲིག་བཟོ་ལེགས་པའི་ཕུལ་བྱུང་ལེ་ཚན་འབོར་ཆེན་ཞིག་བསྟན་གཏོང་བྱེད་རྒྱུ་རེད།།

  ༼  རྩོམ་སྒྲིག་གསལ་དགའ། ༽
མཉམ་སྤྱོད།  

ངོ་མཚར་གླེང་མོལ།

པར་ལེན་།

西藏第一座寺庙——桑耶寺

བགྲོ་གླེང་།:ཆོས་ལུགས།

[བགྲོ་གླེང་།]